शिव ताण्डव स्तोत्रम्

जटा-अटवी-गलत्-जल-प्रवाह-पावित-स्थले
गले-अवलम्ब्य लम्बितां भुजंग-तुङ्ग-मालिकाम्
डमड्-डमड्-डमड्-डमत्-निनाद-वड्डमर्वयं
चकार चण्ड-ताण्डवं तनोतु नः शिवः शिवम् ॥1॥

जटा-कटाह-सम्भ्रम-भ्रमत्-निलिम्प-निर्झरी
विलोल-वीचि-वल्लरी-विराजमान-मूर्धनि
धगत्-धगत्-धगज्ज्वलत्-ललाट-पट्ट-पावके
किशोर-चन्द्र-शेखरे रतिः प्रति-क्षणं मम ॥२

धरा-धर-इन्द्र-नन्दिनी-विलास-बन्धु-बन्धुर
स्फुरत्-दिग्-अन्त-सन्तति-प्रमोद-मान-मानसे
कृपा-कटाक्ष-धोरणी-निरुद्ध-दुर्धर-आपदि
क्वचित्-दिगम्बरे मनो विनोदम्-एतु वस्तुनि ॥३॥

जटा-भुजङ्ग-पिङ्गल-स्फुरत्-फणा-मणि-प्रभा
कदम्ब-कुङ्कुम-द्रव-प्रलिप्त-दिक्-वधू-मुखे
मद-अन्ध-सिन्धुर-स्फुरत्-त्वक्-उत्तरीय-मेदुरे
मनो विनोदम्-अद्भुतं बिभर्तु भूत-भर्तरि ॥४॥

सहस्र-लोचन-प्रभृति-अशेष-लेख-शेखरः
प्रसून-धूलि-धोरणी विधूसर-अङ्घ्रि-पीठ-भूः
भुजंग-राज-मालया निबद्ध-जाट-जूटकः
श्रियै चिराय जायतां चकोर-बन्धु-शेखरः ॥५॥

ललाट-चत्वर-ज्वलत्-धनञ्जय-स्फुलिङ्ग-भा
निपीत-पञ्च-सायकं नमत्-निलिम्प-नायकम्
सुधा-मयूख-लेखया विराजमान-शेखरं
महा-कपालि-सम्पद्-शिरो-जटालम्-अस्तु नः ॥६॥

कराल-भाल-पट्टिका-धगत्-धगत्-धगज्ज्वलत्
धनञ्जय-आहुति-कृत-प्रचण्ड-पञ्च-सायके
धरा-धर-इन्द्र-नन्दिनी-कुच-अग्र-चित्र-पत्रक
प्रकल्पन-एक-शिल्पिनि त्रि-लोचने रतिः-मम ॥७॥

नवीन-मेघ-मण्डली निरुद्ध-दुर्धर-स्फुरत्
कुहू-निशीथिनी-तमः प्रबन्ध-बद्ध-कन्धरः
निलिम्प-निर्झरी-धरः-तनोतु कृत्ति-सिन्धुरः
कला-निधान-बन्धुरः श्रियं जगत्-धुरंधरः ॥८॥

प्रफुल्ल-नील-पङ्कज-प्रपञ्च-कालिम-प्रभा
वलम्बि-कण्ठ-कन्दली-रुचि-प्रबद्ध-कन्धरम्
स्मर-च्छिदं पुर-च्छिदं भव-च्छिदं मख-च्छिदं
गज-च्छिदम्-अन्धक-च्छिदं तम्-अन्तक-च्छिदं भजे ॥९॥

अखर्व-सर्व-मङ्गला-कला-कदम्ब-मञ्जरी
रस-प्रवाह-माधुरी-विजृम्भणा-मधुव्रतम्
स्मर-अन्तकं पुर-अन्तकं भव-अन्तकं मख-अन्तकं
गज-अन्तक-अन्धक-अन्तकं तम्-अन्तक-अन्तकं भजे ॥१०॥